Ажлын байр
Та бүхэнд ажлын өндөр амжилт хүсэн мэндчилэе.
БСБ сервис компани нь жилдээ 6 тэрбум төгрөгийн борлуулалт хийж, улсын төсөвт жил бүр 1 тэрбум төгрөг төвлөрүүлдэг бөгөөд 2002, 2003 оны үндэсний шилдэг 100 аж ахуйн нэгжийн нэгээр шалгаран ажиллаж байгаа амжилт бол манай эвсэг, бүтээлч хамт олны нөр их хөдөлмөрийн үр шим юм.
Байгууллага хөгжиж, амжилтай ажиллах түлхүүр хүчин зүйл нь бүтээлч хүн байдаг учраас цаашдын хөгжил, амжилт ч техник, технологийн нөөцөөс илүүтэйгээр бүтээлч баг, хамт олны гарт орших болно. Иймээс манай компани аль ч нөөцөөс илүүтэйгээр бүтээлч хүн, багт анхаарлаа хандуулж байгаа.
Ажилтнууд үр бүтээлтэй ажиллах гол хүчин зүйл нь эвсэг хамт олон, цалин хөлсний шударга тогтолцоо гэж үзэж үр дүнгээс хамаарсан цалин хөлсний тогтолцоо нэвтрүүлсэн. Үүний зэрэгцээ ажлын тухтай орчин, сурч хөгжих нөхцөл, нийгмийн асуудлууд ч анхаарлын төвд байгаа бөгөөд зохих хэмжээнд шийдвэрлэж байгаа. Тухайлбал компанийн зардлаар мэргэжил дээшлүүлэх болон, англи хэлний сургалтад хамруулж байна. Ажилтнуудын орон сууцны асуудлыг шийдвэрлэх зорилгоор 250 сая төгрөгийн16 айлын орон сууцны барилга бариулж, мөн худалдан авч ажилтнуудаа оруулсан.
Мөн хойч үе, залуус тэр тусмаа сургууль төгсөж буй оюутнууддаа хөдөлмөрийн гараагаа амжилттай эхлэх, туршлага хуримтлуулах үүднээс оюутан ахуй үедээ цагаар ажиллах боломж олгож, онц сурлагатай оюутанд 1 жилийн сургалтын төлбөрт 100 хүртэл хувийн тэтгэлэг олгох хөтөлбөр хэрэгжүүлж байна.
Шинэ ажилтнуудын хувьд өөрийгөө нээж амжилтад хүрэх боломж бүрэн нээллтэй байгаа бөгөөд бид таныг дэмжин ажиллахдаа баяртай байх болно. Таны мэдлэг, бидний туршлага хослон ажиллахад бизнесийн өндөр амжилтад хамтдаа хүрч чадна гэдэгт итгэлтэй байна.
Танд амжилт хүсэе
“БСБ сервис”ХХК-ийн ерөнхий захирал:
Б.Жаргалсайхан
